بحر هايج
سما سودا
رعد في الافق
الظلم سايد
بكتب في نوتا
بعدل في النسق
مبدا دمار
الدنيا غبار
طول الليل
وطول النهار
قايم بالنسك
المبادئ رخيصه
وكله هيصه
والاخلاق ضايعه
وبنت الذوات
بجمالها مايعه
والبشر كاتبه روشيته
على الجرنان
بتقول انها ناعيه
اخلاق الزمان
للشاعر / احمد صلاح
بصيص امل
فتحت مذكراتي
بعد يوم طويل
مسكت القلم
شايف امل
بكتب لبكره
هيبقى جميل
جاتلي مكالمه
هي الامل
قالتلي كلمه
رسمتلي ضحكه
قلتلها كلمه
انتي اغلى
ضحكت فاشفت القمر
ايوى حبك اشبه بحاله سكر
ايوى اسمك يداوي الاصم
ايوى عينك متاهه صعبه
تهت فيها احلى لفه
تهت ومش عايز مفر
احمد صلاح
قصيدة في طلسم
قصيده مكتوبه بدماء العنين
محفوره في طلسم
قصيده مبعوثه لواحده من الحور العين
تطيب الجرح بلسم
مكتوبه في ورق محروق
اللي حرقه مرساله
بيني وبينها فروق
وانا القفل وهيا مفتاحه
ضحكتها تملي فناجين المزاج
لمستها تحيي الميت
وكل حاجه ارزاق
ومشيها في الصحرا
يجبر الرمل ينبت
وبصيه من عنيها
تخلي العنين سرحه
في رموش عنيها
ماسكه من ايديها
ويابخته اللي شافها
تخلي دقات القلب
بعدد قطرات المطر
ومين من نصيبه ليا شطر
الا ملاك الارض
احمد صلاح
قصيدة شهداء الاهلي
رايح جاري عالمدرج
ابن النادي
فداه لعمري افرط
رايح اشجع وباعلى صوت
النادي الاهلي نادي الصمود
وفي لحظه اتغدر بينا
واتقفلت الابواب علينا
والجبنا صبحو اسود
دخلو من كل اتجاه
اتوعدو بسلطه وجاه
والخوف طفح بينا
خايف بس مش مالموت
خايف صوتي يقلب سكوت
النصر والعدل لينا
#افتكروهم
#74
احمد صلاح
قصيدة كل حرف بمعنى
جاتلي في ليله ضلمه
مع اول تكبيره فجر
جاتلي في عنيها دمعه
وبتتهمني انا بالغدر
جايه تقول كلام مشبك
مش فاهم منو حاجه
وتقولي انا بحبك
فامش لازم القسيه الزياده
قلتلها بحبك مش مجرد 4 حروف
كل حرف وله معنى
يعني ال (ب) انك انتي
باقيه على الحب بتاعنا
و ال( ح) معناها سهل
ويفهمهو الاطفال
انك حالفه على البذل
ليا مهما زادت الاخطار
وال (ب) جايه تاني
تفكرك عالبقيه
لحب تحرسيه
بالفعل مش مجرد نيه
و ال كاف خاتمه كلامي
بان ال (ك)بر عالحبيب
بيسبب له ازمه
ويخليه يتحول لغريب
بعد كل اهتمامي
وبعد كل المقاسي
اتحولت انا لغريب
احمد صلاح
قصيده عكازي عالدنيا
سكرات العشق
فاقت نتاج الخمر
حبي ليكي اتسبب
لما عين تشوفك بقهر
كنتي بالنسبالي ضهر
كنتي عكاز العجوز
مايقفش الا بيه
ولو علت مناصبه
عمره ما يعلى عليه
كنتي بالنسبالي نهر
وكنت انا مجراكي
مهما جريتي و روحتي
هفضل تحت سماكي
ومهما تغير مساري
هتفضلي فوق ارضي
ومهما رميت نردي
الناتج انك معايا
ومهما اختلفت النواتج
حبنا مالوش نهايه
احمد صلاح
